唔捨得, 都有最後一日

係聖約瑟教o左四日, 日子好短, 但係就好開心, 同小朋友o既距離拉得好近, 出出入入都有好多小朋友同自己玩, 我覺得自己都好似佢地咁...小朋友。小息同佢地搓包剪揼, 上堂同佢地講笑話, 落堂佢地又會請我食糖, 作為一個代課老師, 感覺真係好好。

每 一朝早, 全校都會一齊祈禱, 有時係主禱文, 有時係為聖母, 有時係為老師同學仔祈禱, 我見倒小朋友係呢一種主包融著o既環境下, 我都同大家每朝一齊祈禱。同呢一班小朋友玩o左只係短短o既四日, 但係我已經好喜歡佢地, 其實好唔捨得, 雖然有機會俾我留多幾日, 但我知道始終有一日, 我要離開, 所以我都係選擇返我應該做o既事, 應該走o既路。d 老師都叫我多d 返去, 但係邊個知道明天會點呀...學我一個朋友話斎, 把一切都交托給神就會有最好的事發生。