從前放棄過的地方, 現在又一次回來。何解? 因為今天這裏才是一個我可以暢所欲言的地方。xanga 已經太多朋友知道了, 再寫下去, 只會引伸更多的問題。

工作的這一個月, 真的想都沒有想過如此的辛苦。辛苦的不是工作, 而是別人的白眼。公司中, 沒有支持, 只有是一個個的小圈子。外間的朋友不是祝福你, 而是想望着你何時跌倒。每一個人期待着我的跌倒, 就像預言家等待預言能夠証明的時候。

我這一隻小鳥, 今天還不知道自己可以飛得有多遠, 正是如此, 今天有機會讓我飛翔, 我就決心要試一試。難度人不可以跌倒? 難度人不應去冒險? 我不敢說我是一個冒險家, 但我敢說我是一個年青人。正因我是年青人, 就應有年青人那一份去冒險的勇氣。朋友呀! 我要的是你們的支持, 一個人走的路已經走得太久了。請讓我在你們的鼓勵下証明年青人的能力。

奇奇怪怪又好翻...宜家個blog 搬o左家!

http://xanga.com/np_gary

多多指教!!!

開張的第一頁

2006年7月12日

呢一個暑假感覺好特別, 身份係學生, 但又無o左好幾年前一味只管玩耍的氣味, 花了很多很多時間跟爸爸媽媽一起東走西走, 跟多年不見的友好會面, 跟肥肥黑黑的小姑娘運動廋身。

陽光下, 是重新開始的日子。離開的日子快到了, 真的不捨, 現在只好等待真正的暑假降臨, 大玩特玩。

新開張

2006年7月11日

今日花o左足足三四個鐘去整個板面, 雖然唔係點靚, 但係自己第一次整, 感覺好滿足!

666 留言

2006年6月6日

唔好唸住666會有惡魔, 666其實都好lucky。今日係我第一次教普通話, 原來好好玩o架。講o下書, 傾o下計, 教o下「石頭, 剪刀, 布」已經好開心。足足教o左兩個鐘, d 小朋友仲以為我唔識講廣東話, 真係好搞笑。

夜晚, 同shirley 飲o野, 我地係李兆基之後都無聯絡啦, 估唔到大家好好傾, 傾o左兩個鐘呢...朋友真係好好, 能夠同朋友分享東東西西的趣事, 是人生一大享受。

龍舟節

2006年5月31日

今日龍舟節, 係屋企食過龍舟"種", 睇o左一個無線節目「香港特工」, 見倒winnie, 一望d 髮色就知道係近期出品。

下晏, 同yoki 去o左一次小旅行, 走o左上去深圳, 食o下o野, 行o下街。乜o野plan 都無, 去到問人有咩好玩, 就去邊度。岩岩到時, 都幾過癮, 但係行得耐, 賣o既o野都差唔多, 後尾都無乜特別啦。不過o個度有好多小食, 我同yoki 一齊分享o既一個深圳 M 記, 又食o左一條深圳油條 + 豆漿, 仲有蔗汁, 食o既o野真係唔錯。遲d 就上廣州, 然後就進行我地無目的o既長江之旅...可能係黃山之旅...究竟去邊個地方好呢...兩個都會係一個得意o既地方, 因為...有隻烏雞。

又訓唔著

2006年5月31日

又訓唔著...今日o係st. joe o既活動真係好好玩, 玩足一日, 都唔覺辛苦, 咁又可以賺d 零用錢, 真真開心。工作於娛樂, 有乜工作好過同小朋友一齊?

五月最後一日...時間是短暫, 當我知道每一天在家的時間都是有限的時候, 就會好好珍惜。邊個都唔可以話我知, 我仲有幾多日子係呢個家中同屋企人一齊生活, 每一日都係最後o既一天, 亦係第一日。比起以前, 無論是同家人, 定係同朋友, 都比以前玩得開心。好似早幾日師父, 科云, 阿几到我家中作客, 大家有傾有講, 真係尚心樂事。呢幾個星期, 錢又搵倒, friend(s)又搵倒, 屋企感覺又搵倒, 真的要提提自己...多多珍惜。

訓唔著...

2006年5月30日

今晚睡不著, 跟親戚朋友o係newway 唱好k, 可能真係玩得太開心, 宜家3點都訓唔倒。今日見返嘉敏, 我覺得佢同以前唔同o左好多, 人有自信o左, 講o野比以前得體o左好多, 可能真係經歷過, 人就真係唔同曬。

早兩日, 同yoki 傾o左一次好深入o既計, 雖然過程中又再入一次睇住佢流淚, 但係學你咁講, 之後我同你一樣都係好開心, 好舒服。太多太多自己俾自己o既壓力, 我相信經過今次o既傾計, 我地o既感情又進一步, 真係少數o既第五級變種人呀!!!

o黎跟o既下午就會係我最後一日係st. joe o既代課啦, 斷斷續續都代o左八日, 真係唔捨得, d 小朋友好可愛, 周老師前, 周老師後, 又聽話, (應該話由唔聽話到聽話)。明天一個大型show, 我最後o既一個環節, 只要班小朋友做得好好睇睇, 我就可以功德完滿啦。^^

跟住o既一個月, 將會係我o既一個挑戰...普通話, 一定要努力d, 學多d!!!