「垃圾回收, 循環再造」二

2006年4月29日(星期六)

今日係咩日子? 今日係垃圾回收, 循環再造, 呢句口號重點有三: 一係垃圾先可以回收, 二係再做, 三係循環。即係話係垃圾o既就要不斷無得停之下係咁做, 做到死都係繼續做。宜家份paper 仲係停留係呢句口號當中, 唔知個人係唔係呢?

做足一日, 副engine 唔係好得, 於是去o左游水, 一跳落去, 就500米, 其實好累, 於是就過去按摩池, 原來o個邊好舒服, 今日係我第一次去玩按摩池呢...

之後, brad 車o左我去 "f" 字頭o既超市, 我去o左買d 糧, 點都要食埋呢個星期, 唔係會餓死。

垃圾回收, 循環再造

2006年4月28日

今 日一早返wrc 不斷寫propsal, 寫o左全日都只係得5張紙, 不過個chapter 1 我自己都接受倒啦, 只係chapter 2 唔入流, 好似垃圾咁。明天就要做垃圾回收, 循環再造, 希望交之前, 點差都有十張幾o既chapter 2, 唔係真係垃圾一份。下午有一段休息時間, winnie 同我做埋最後一次栽培, 總算係加完水, 施完肥, 希望自己會好好成長。夜晚去o左new century, 一個好耐無去o既地方, 但係人真係好累, 去到都食唔倒d 乜o野, 不過都比平日食o既好好多啦, 都好多謝ruth 一番心意。

我一定要係星期二完成整份proposal, 所以明天再努力!!! 資料唔夠都要做住先。

最後一堂

2006年4月27日

今天終於上埋最後一堂。今天早上特別開心, 因為今朝我同我班排球班學生映o左幾多相, 佢地玩得好開心, 我覺得同佢地一齊玩o既時候好舒服。好多謝阿paul 同侯老師, 我係呢個half o既排球堂真係上得好開心。















下 晏, 望住份proposal, 望望ruby 俾o既thesis, 想想dr. hensley 及dr. mack 俾我o既意見, 我唸o左好耐, 決定將份proposal 大改造。咁樣就兩點幾...本來應承o左ruby 去isa graduation reception, 但係我記錯時間, 之前又約o左錢錢做o野, 但我搵極都搵唔倒佢。於是最後, 無辦法...只好做好o野先算...一做就由兩點幾做到五點...之後我返到office, 有d 唔開心...應承o左佢地又最後去唔倒, 激死。

唯有努力做好功課, 遲d 再搵佢地再玩過。

食飽唔想做

2006年4月26日

小朋友的感覺...一切變得很簡單...在大街上看著車輛從左邊駛到右邊, 一時看著從右邊駛到左邊, 平平淡淡...無風無雲, 只有吃飽了的肚子在不斷抖動。

今天要考research method, 想不到在未考前已經知道誰來監考...semi, 你不要說dr. hensley 不寵愛她們了...希望今日會順利完成。

補: 原來監考o既仲有 ruby, 其實感覺好唔慣, 無啦啦有兩個咁高咁大o既o黎監考。不過都無理, 做做o下都好快完成, 咁又一科。睇住佢地, 呢d 工作真係唔好做, 悶死...辛苦曬...呢!!!
仲有兩個考試, 一份paper, 及一份已完成o左o既home exam...仲有o既時間一定可以完成。

火火好巨型

2006年4月24日

今天終於見倒火火的新相片, 兩個月大的佢真的很巨型, 成舊石頭咁, 好快就可以返香港睇o下火火真人。我唔知點解, 雖然我未見過火火, 但係我已經好鍾意佢。yoki 話我返香港後會帶我去好多地方玩, 我知道一定會好開心, 因為有佢o既地方就係最開心o既地方。


今天想起了一句說話:「Stupid is as Stupid does」。我覺得我真係好stupid。

星期日

2006年4月23日

今天去了做bible study, 阿mark 唔係度, 由另一個人帶領, 我覺得佢都帶得好好。今日講o既係 2nd chance, 我聽o左好多其他人o既分享, 了解多o左其他人o既睇法, 好想加入分享。

之 後去o左prairie lakes, 今日全日對我最入心的是「耶穌拉著瞎子的手, 領他到村外...問他說: "你看見了甚麼了?" 他就抬頭一看, 說:"我看見人了, 他們好像樹木, 並且行走。"」神開了的不是他身體上的眼, 而是心中的眼, 看見了人, 卻像木頭一樣的行走。神就叮囑他, 「連這村子你也不要進去。」

p.s. 我常說語言是溝通的阻礙, 今天就是如此, paul誤會了我的意思了...^.^!

今天的簡單留言

2006年4月22日續

中午傾了一個很長的電話, 知多了很多事, 明白多了很多事, 舒懷了很多事。然後又到了侯老師家, 在她家吃麵, 談天。今天談的又再多了, 深了, 坦白了。下午, jason 帶我們到paul 的家去了, paul 招待我們, 玩了個很好的遊戲, 吃了很多好味的食物, 甜品。談了一些話, 開心, 亦很充實。

p.s. 誰沒有缺憾? 老是蛋中挑骨頭, 倒不如不吃蛋了。
再p.s. 如果每一個人真的都有罪的話, 清醒的人就要幫自己, 幫別人潔淨。

第一次的個人比賽

2006年4月22日

今天一早六點多起床, 吃過早餐後便出發到cedar falls 比賽。自從係wiscosin 病倒之後, 一直兩星期都未好過, 醫生睇o左, 藥都食o左, 但都老是如此。我踏單車到down town 當熱身, 去到報到完就開始慢跑, 一跑就已經知道唔得...兩隻小腿仲係好似上個星期一樣軟弱無力, 但係熱過身後, 踢腿, 加速跑, 跨跳都做過, 感覺係好翻少少o既...但係一開跑, 跑o左5分鐘我已心感疲累, 但我是不會放棄的, 只好繼續下去...最後完成了, 跑22名回來, 但時間恐怖...23分55秒...超poor...

完 了之後, 我一個望著其他參加比賽的人, 每個人都是三五成群的走在一起。心裏就體會到當年半馬拉松, 我入醫了, yoki 一個人比賽, 沒人支持, 完成了亦不興奮的感覺。今次是我自十二歲打柔道, 開始做運動以來第一次自己一個人去比賽。十四年的競技運動生涯第一次一個人, 昨天侯老師好有心說要到場支持, 幫我拍照, 其實我心裏已很高興, 我知道這一個乾媽得來不易。但時間太早, 又知自己表現一定不好, 我亦拒絕了她的好意。

另一個我認同的人-- 一個老是為兒著想的老媽

2006年4月21日續

回來了, 啍門的聲音不斷的傳來, 原來是侯老師。今晚, 我跟她談了很久, 很多, 很深入。她真的老了, 一個廿年經驗的老師, 現在敵不過一個十八的反叛青年, 氣死了。望著他們二人, 一嘴一語, 小的語帶不機, 愛理不理; 大的老年苦心, 多翻唇舌為兒走動。這一場面根本兒就是我小時候的復印, 但在異地中發生, 卻不其然比我之前的老媽會更難受。甜言蜜語只是想愛兒吃得好, 在外教育廿多年, 在家卻被評甚麼都不懂, 作父母真真難。

要真正的認同一個人

2006年4月21日

始終還是不夠成熟。今天看到一個一直以來我都不敢公開表揚的人, 今天我真的心裏稱讚了他--Dr. Chin。一直以來, 由於其他人對他的意見, 雖然我認同他的努力, 但我有時候還是會不自覺的跟他保持距離, 但今天我再一次望著他為他的學生而付出, 我真的很想讓不明白他的人清楚了解。其實今次已經不是我第一次看到他對學生的付出, 說要是真切的感受, 今次已經是第三次: 一次是自己找工作, 一次是yoki 讀master, 一次是今天的聚會。

他不是不知道別人不喜歡他, 但他只是為著學生的好而不斷努力, 或許他的說話, 做事態度是別人所不認同, 但他的心真的附之於實行。為著一個為學生好的老師, 我願意做多一點。

活 動並不精彩, 但每一個出現的人都是真心為著畢業的學生, Dr. Hamilton行動不便, 仍然是第一個出現, Dr. Hudson二人本是leisure 的field, 但他們依然出現, Dr. Iradge 和 Dr. Oksana 都是真的喜愛學生,Dr. Kerr 辛苦籌備。每一個到來的老師都是如此關顧學生。

在咖啡店內, 望著這兩個好朋友在Dr. Oksana的抱擁下流淚, 我真的感受到他們的不捨。但經過今次的一小聚, 老師與學生之間的距離卻再一次拉近。如此奇妙的一刻竟是源自Dr. Chin。時間再一次倒數, 還剩下的日子是在做甚麼呢?

gender???

2006年2月20日

我已經開始了我的論文一段日子, 題目講及開於性別的問題, gender 唔係 sex...我越研究越發現這個題目的有趣。早兩天看了一段新聞, 讓我再想多一層, 甚麼是男? 甚麼是女? 有些時候, 不要說心理定義, 有時候就連身理方面, 我們都不懂如何把男女劃分出來。

女長跑亞軍原是男兒身 性器官縮入腹股 31年烏龍做女人

又一堂完結

2006年4月20日

今天gender and sport 已經上完最後一課, 繼昨晚的research method, 這已是第二科的完結。時間越來越接近回港的一天- 8 may, 望著月曆上的日子, 心裏就很像不在倒數一樣, 倒數著乜種東西的消失。昨晚, 因為這種倒數的感覺, 心裏很不舒服, 很不開心, 但跟Yoki 傾電話的時候, 心裏不奇然舒懷了很多, 她讓我感受到支持, 讓我明白到有她明白我的想法, 明白我面對的問題, 這是我第一次感到這一種溫暖的感覺。如不是今早的她又一次忘記了時間, 我一定會對她說聲「多謝你」的。

今天是我第一次不計病倒之下第一次在UNI走堂, 我走了Dr. Joslyn 的stat, 雖然走堂是不好, 但我在另一個地方很有得著。今天Dr.Iradge 搵o左好多小學生o黎, 全部都係grade 5 o既。佢地都係幫手做學生俾uni o既student teacher 教。我同侯老師都走o左去做observation, d 老師唔係pe老師, 係elementary o既classroom 老師, 但係佢地都要教pe 堂。佢地表現得有好有唔好, 但係對一個非pe老師o黎講, 佢地已經做得好好, 當然如果係pe 老師o既話, 佢地就真係唔多掂...

Dr .Iradge 教o左我好多o野, 我覺得佢o既理念比較一般美國老師來得長遠, 又比香港老師來得實際, 佢仲講o左一d 佢o既歷史俾我地知, 原來佢以前教過依朗皇帝同皇后, 宜家仲每年都有聚會o架, 好跨張呢...

2006年4月18日

「 有沒有　確實也沒有　一直躲避的藉口　非甚麼大仇
為何舊知己　在最後　變不到老友」


罪的工價就是死, 復活節後希望一切都可以結束

(好開心展大俠o既ICQ留言)

這一個燈塔是我人生中最重要的指引, 祂照著我, 領著我走。
我也希望你可以讓這一燈塔照耀你。

侯老師的愛心曲奇...

2006年4月18日

好好休息

2006年4月17日

今天在office 內工作了一整天, 上午跟學生玩 gala ball, 又打籃球, 之後就不停工作。下午, 因為我要到us bank 的關係, 我又無交通工具, 於是就靠我的無敵11號, 但係可能之前不斷病的關係, 跑上來好吃力, 無之前的輕鬆感覺, 雙腿好沉重。於是決定放棄舉重的練習, 集中回復, 希望係星期六的比賽時可以以100%的能力比賽。

五點鐘的晚餐

2006年4月都係16日

下 午4:00, mary 到wesley 接我去佢地屋企玩。阿su 同我坐佢車, 一直駛去waterloo。途中, mary 話叫我地去到唔好嚇親, 因為佢地家有架大truck, 我去到唔俾佢嚇親就難, 真係好大架呀...部o野係mary's honey 阿john o既, 我地走o左入去參觀, 裏面有床, 有電視好勁, 我仲可以係司機位上面扮o下o野...型。之後, 差唔多5點, 我地已經開始食o野, 真係晚...餐, 好多o野食, 我地一邊睇 Narnia, 一邊食o野。我第二次睇啦, 今次睇得比上次輕鬆, 可能係家庭影院, 而且今次又再一次多o左一份傷感, 見倒獅子走上stone table 時, 我有d 唔舒服。睇完戲後, mary 就車我地返去lu!!!今日o既節目好豐富。

復活節

2006年4月16日
復活節的一天, paul, karen 帶我到prairie Lakes做worship, 再一次睇受難曲 ,再一次看著天上的第一滴雨, 那一幕深深的印在腦海裏。雖然prairie lakes 的worship 很潮, 我唔多喜歡的一種, 但他勝在可以帶領我靜思, 所以我都很喜歡。完了worship, paul 就送我先會家, 我就告別了winnie 和semi。之後回到wesley, 我們畫彩蛋, 我用了人人都不喜愛的黑色, 就是人人都不喜愛, 我偏要愛, 人人說他不好, 我總是鬥氣一定要找出他的好處, 但原來你根本不用刻意找, 只要用心找, 黑都是美。在腦海中再次浮現上天的一滴淚水, 我把這一幕畫在蛋上, 黑色讓我更能畫出耶穌臨別的一刻, 而且, 黑色在塗上蛋上時已不再黑色, 他變了藍, 變了紅。我就是要把世上的一切被別人視為不好的東西, 都要一一找出他們獨特且美麗的地方。
每一個人都是個體, 每一個人都有他獨特且美麗的地方, 只要用心找, 用心愛, 誰不是美麗可愛。

...食餃子...

2006年4月15日 不斷食, 不斷食, 好多好o野食...宜家唔洗打咁多字啦...^^, 睇啦!!!正...好開心!(拎住條菜o既就係小董啦, 佢有個好可愛o既bb, 後面係小侯, 佢地都好快走lu...)
Louis 同侯老師我就唔多講啦, 佢地係我dry媽媽 同 dry 細路

坐我側邊就係阿su, 佢都體局o既人, 好似文軒o個個就係楊老師, 佢以前唔知邊鬼度o既英文系副系主任, 宜家係中國同學會會長, 佢側邊好可愛o既肥妹仔就係佢個女-晶晶啦。

我的家

這 就是我的新家了, 終於可以再一次映相, 很開心呀, 那是我珍貴的朋友, 它見證了我所見的, 我所走的路, 它就是我回憶的一部分。我在乒乓球枱上結交了不少友誼, 在這一間建築物內認識了很多神的事跡, wesley foundation, 是我在美國時間中一個重要的地方。

Good Friday

2006年4月14日

今天是Easter 前的星期五, 在美國我們稱為Good Friday。我今天好有衝勁去參加Prairie Lakes 的Good Firday活動, 於是便坐Lucy 的車到了那裏去。

今 天主要是默想耶穌受難, 以血洗罪, 人得以救贖的一個靜思活動。主持人跟我們唱了幾隻歌, 中途他停下來, 說我們在此祈禱, 願意的可以到台前點蠟燭祈禱, 第一次, 我自己祈禱了, 再望左右, 沒有人有動靜, 但已經有其他信徒開始行動; 然後主持人再一次帶領我們唱歌, 讀經, 過了一會, 他又一次給予我們機會到台前點蠟燭, 我心想出去, 但望望左右的朋友, 沒有動靜, 於是又一次對自己說, 下一次吧; 主持再一次帶我們唱歌, 讀經, 然後再一次給予我們機會, 這次, 我心裏想了一會, 對自己說:「既然已經信了, 為何還要想這幾步路呢? 我在猶疑甚麼呢? 要是想為朋友祈禱, 那就決心走到代表聖靈的蠟燭面前吧」, 於是我決了心志, 一步跨過一步走到台前, 點起蠟燭, 那種感覺很安然, 很舒服。

活 動繼續下去, 主持人對我們說, 麵包作主的肉, 葡萄酒作主的血, 食過肉, 飲過血就是耶穌為我們的洗禮。我問了semi 一句, 她跟我說:「你便去吧」, 聽後, 一秒鐘, 我就對自己說:「好, 去吧」。我一路走, 在大堂的左邊一直走到中央的路距離不是很遠, 但望到每個走出來的人都是一雙雙, 一群群, 心裏感到很孤獨, 在這條走向神的路真的一條孤獨的路。雖然感覺不好, 但我再一次跟自己說:「這是神跟自己的關係, 既然之前一直都走了那麼多路, 今天這一小小的路又怎能這樣輕易停下來呢。」於是, 我排著隊, 一步一步的走到台前, 望著耶穌的血肉, 感謝了神的祝福, 就這樣今天的活動便完結了。

yoki 你說得對, 耶穌從前走的路都是一個人, 一個人開始, 一個人結束。我這小小的路亦只是一件很簡單的事。今天是一個很好的經驗, 三次考驗, 最後終於踏出了自己的第一步, 要是喜愛何需懼怕和害羞? 踏出了今天這一小步, 我對自己認識多了一點。

Easter 前夕

2006年4月12日

這個星期的瘋狂工作終於告一段 落...今天的 presentation, 其實唔係太好, 身子唔好, 根本無精神present, 但係內容做得唔錯, dr. hensley 都話好欣賞, 佢話會幫我搵一個psychology department o既professor 朋友傾o下, 睇o下佢可唔可以幫倒我。感謝神賜給我毅力, 我真的要在這幾天好好休息, 復活節一切都會重新開始。

今天是dr. e 的生日, 六十大壽, 由於我之前有堂, 我遲o左d 先到, 去到已經切o左蛋糕, 但係都好開心, 我仲有機會同dr. e 映相。

夜晚上完所有堂, 回到wesley 做我第一次跟dave 上的worship, 感覺好唔同, 好warm, 人都唔多, 只有八個。今日我又做了被訪者, 我分享了我在wiscosin 的感受, 我真的喜愛methodist。
真的喜愛又何需隱瞞

有時間睇睇以下報導, 唸唸...生與死...現在與將來...外表與內在...仲有...香港警察的偉大
煤氣巨爆 炸到飛起 交警毀臉縫百針

至友的回歸

2006年4月11日

今天最開心就是打排球, 好耐無真真正正打過啦, ied 打院隊都已經是year 2的事, 之後已經無真真正正打過。今天排球堂, 我同班學生五人一隊, 共四隊, 打了一天的比賽, 好開心, 雖然輸了給侯老師的一隊, 但經驗同感覺都很好, 好開心。

之 後上stat 堂時, 我又再使出我一邊溫書, 一邊上堂的方法。之後, 就去考psycho 啦。今次, 感覺好唔同, 完全唔緊張, 之前兩次成績唔錯, 但係好緊張, 今次唔緊張, 使我更加擔心。最後都考完, 我知mc 方面唔多好, 不過完o左就算啦。跟住又要忙research method o既presentation, 做足一個下午。然後, 返wesley 煮麵, 當我想離開wesley 返wrc時, dave跟我說我有包褁, 我一看就知道了, 心裏好像是生日一樣。它再次出現在我枱上, 現在它還未可以投入工作, 但這個我的至友, 只要我再找到另一位朋友, 它們就可以跟我從出江湖了...hahahahaha。

夜晚, wrc 再繼續工作, 八點做運動, 九點返去。

(今天跟侯老師好有緣, 不斷在街上見倒她)

永遠難忘的會面

2006年4月10日

一個平凡的日子, 教班, 做工, 做功課, 但係一個msn 的留言就把我今天的節目改變了。mavis 透過我msn 的自動回覆服務, 留下了 john nash lecture的留言, 起初我還問他是不是那三個新校長的問答會, 原來是一個我十分敬佩的數學家, 一個獲得諾貝爾數學獎的名人, 一個被電影"a beautiful mind" 拍下人生故事的真人, 20 歲被視為天才, reference letter 上只有四個字"this man is genius" 的真正天才, 一個患有精神分裂的80歲老伯伯...JOHN NASH。

6 點半可以開始入場到LANG HALL, 7 點鐘先開始, 但係未到7點, 已坐無虛席。開始時, 好多印印出現, 場面偉大, john nash present 時, 步行有力, 看他一頭淩亂的白髮, 穿上黑西裝, 紅領帶, 就此一看就知道他是一名專搞研究, 忘了其他的學者。他說話雄厚, 眼睛銳利, 手指靈活, 紙上細細的字句一一道出, 一張一張的稿件慢慢翻看。只是說話的講題真的遠不可及, 聽者一一告敗北宣言, 慢慢的離場去了。我還坐在座上, 細聽他的每一字每一句。我聽的不是他那複雜的數學算式, 我聽的是一個老伯伯在台上表現他那精神且自信的一面, 我聽的是一個天才學者的畢生研究, 我聽的是一個真實的奮鬥故事。我聽罷了他的演講, 心裏不斷湧出了對他的敬慕, 他是如此的實在, 但他又是如此的遙遠。今天我就是實實在在的見證了一個活躍的生命, 今天我就是有幸的在25歲的美國生活中見識了我第一個諾貝爾數學獎的得獎者---Dr. John Nash。

今天是我最開心的一天, 是的, 是要多謝告訴我知此事的人--mavis 及ruby。

Great, I will go there again!

2006年4月9日

回來了, 我就好像從天堂一樣的回來。真的大美, 這幾天的日子過得很快樂, 在wisconsin 的gathering 裏, 有百多個來自mid-west 不同地方的學生, 我們彼此不斷分享, 唱歌, 頌讚, 學習, 遊樂, 每一個環節都是如此的美, 沒有一刻是 - ve feeling。很完美的weekend, 沒有想到會有如此收獲。Methodist 是一個很好的教會, 我決心去愛上它了, 一個Inclusive 的society, 要真的做得到是很困難, 但是看到大家不斷的努力和付出, 我都很想跟他們一起嘗試。

No matter you're male or female, black or white, straight or gay, national or international, we love each other.

We just want to know who you are, what you can do, and how you think, just a talk.

I love who you are, not I love who I love to be.

兒童節

2006年4月4日

兒童節, 但今天我並沒有做甚麼事去慶祝。今天一早回到wrc 上排球堂, 打比賽時, 我和侯老師再次落場, 雖然我倆都很久沒有打球, 但技術仍在, 只是學生的反應已沒有早前的積極, 是時候打多變化的比賽了, 阿paul...之後, 我和侯老師坐在球場內傾計, 傾了大半小時, 大家都談得很開心, 彼此之間毫無隔膜。往後, 連續上了三堂, 由於時間緊迫, 我沒有吃我預備了的午餐, 只去買了一個三文治便算了。今天的gender & sport很特別, 因為dr. waldron 邀請了dr. hamiton 分享她的前半生, 很好呢, 她回覆了我第一次上biomechanics 時的風采。上完堂後, 我又跟她談了很久, 之後由於太累了, 我返回wesley 睡覺。下午四時, 我又出發回wrc做功課, 今天又再完成一份, 超高效率, 夜晚係wrc 食我之前未食o既午餐。9點多, 我就再走去做運動, 一做就10點幾, 然後返到wesley, 煮飯...沖涼...傾電話...宜家...就係時候訓覺啦...

p.s. 今天又有一名女教師(輔導組, 10年資歷)跳樓。無論工作多麼忙, 身邊人是最重要, 不然, 下一刻, 他/她永遠不會再在你生命中出現。

工作了

2006年4月3日

今天花了整天留守在wrc, 工作, 讀書, 做功課, 做運動。ross 知道我功課多, 他給我早放了半小時, 誰說他為人不好, 我就總是覺得他為人很好呢。中午, 到pentry 吃飯, 見倒阿su, 我跟她傾了很久, 說了很多關於她兒子上學的事, 很開心呢。然後見dr. mack, 研究了下一個sem的program, 宜家有d 想法, 遲d 再問佢意見。下午, 我好專心做功課, 在comp lab 和office 之間跑了好幾轉, 最後終於給我完成了其中一份。五點多, 肚子餓, 於是放棄手頭工作, 回到wesley 吃晚飯, 途中見倒dr. e 和dr. chin, 他大聲叫我, 我們相距很遠, 我只好做手勢讓他知道我回家吃飯。吃完飯後, 我又回到wrc 繼續工作, 做完後, 我去做了一個小時多的運動, 之後就回家去。回家後, 我和nathaniel 一起睇ncaa final, 很悶, 兩隊之間好有距離, 我地看悶了, 就打起乒乓球上來, 今天我又很神勇, 又是我臝呢, 而最後florida 都臝了championship.

spring time...

2006年4月2日

spring time 的第一天, 今天去bible study時, 下著大雨...聽了一些有意義的課堂...paul 及karen 很有心怕我被雨弄濕, 於是開車送我回wesley。

之後, 做完worship, 吃過飯, 我到russell hall 睇dance performance, 但係我太累, 看了半場, 我便回去做了一個nap, 之後又食晚飯。我們吃飯時, 大家有講有笑, 王老闆, nathaniel, enora, louis, angela 及我都笑過不停, 大家在不同地方的笑話下, 吃完了我們簡單的晚飯。之後nathaniel 挑戰我乒乓球, 今天我表現很好, 其實是日子有功, 打得多了, 比以前在ied 時, 打得還要好, 今天我略勝一籌。

後來, 我們到了enora 家作客, nathaniel 教我們玩名叫 heart 的card game, 這遊戲很好玩, 我們玩得開心透頂。今天是一個開心的日子, 因為這一班朋友願意伴隨。

I love challenge...risk taking

2006年4月1日

4 月第一日, 一早起身, 食過早餐就做o下功課。

12:58分, 我決定再出去跑步, 原先決定跑去down town, 計o下時間, 但係身體有d 疲累, 於是想了很久, 決定先跑10分鐘做熱身先再跑去down town。

我 向住hill side 一直跑, 跑o下跑o下, 人精神o左, 唸唸o下, 不如繼續跑o下都好, 於是一直跑, 沿住college st, 跑到down town, 突然見倒火車軌, 心血來潮, 就跟住火車軌一直跑。我係d 石頭上面一直跑, 好靠平衡力, 一直跑, 跑o左好耐, 入到樹林, 心裏面好驚, 好驚有動物走出o黎, 我跑得都特別小心, 眼顧四方, 跑o左好耐好耐, 越跑越遠。我沿住火車軌, 靠住河邊一直跑, 途中我見倒狐狸, 突然係火車軌上見倒有人, 佢迎面行過o黎, 我問佢前面有無路過河, 佢話三個mile, 我唸ok 呀, 於是繼續, 因為我唔想返轉頭(當時已經跑o左40分鐘)。

之 後, 我跑o下跑o下, 突然係火車軌側邊發現有一張長櫈, 之後就見倒一條樓梯, 我就跑上樓梯, 發現有一大片草原, 好靚好正, 又見倒聖母像。我知道呢度係教堂, 於是就去問人路, 我去到kitchen, 見倒有人, 就問佢有無橋過河, 佢話唔知。算啦, 於是我問佢拎水飲...hehe^^ (當時已一個鐘頭)

跟 住又跑返去火車軌, 但係望住前路, 全部都係森林, 我驚跑o左去另一個state, 於是走到馬路, 估o下方向又開始跑, 突然後面出現兩部單車, 於是我同佢地一齊, 我問佢地點樣返cedar falls, 佢地指o左我路, 佢地叫我跟住佢地就ok, 我心唸你痴線o既, 我跑步, 你踏單車, 我點跟...好快, 佢地已經無形無踪...

之 後, 我依住指示, 一路跑, 又突然, 有人開車走埋o黎我度, 係兩個靚女, 佢地竟然問我路...bear...我只好同佢講我唔多熟路...啦。haha跟住一路跑, 心裏開始想放棄時, 俾我見倒building, 又見倒油站, 我好開心, 於是又可以繼續。我見倒油站有兩個靚女, 於是我加速去問路, 點知去到時, 佢地就開車走o左...好彩岩岩有個郵差物體o既男人, 我問佢點樣去uni dome, 佢又話我知點去, 我又跑啦...之後又問過一個婆婆, 途中又俾我去到wesley 阿頭dave o既屋企, 同佢地傾o左兩句, 我又繼續(當時是一小時30分)。

因 為之前火車軌的路好難 跑, 人已經用o左好多體力, 到呢個時候, 我已放慢手腳...我唸起dr. mack 講過要positive self-talk, 我不斷同自己話「得」, 點知我真係越跑越好, 終於見倒dome, 唸住入去休息, 但係我最後都係放棄, 因為我想堅持回到wesley 為止, 最後回到wesley, total 用o左一小時五十四分...好累...

沖完涼...食完飯...我就唔掂...訓o左上床...咁就兩個鐘...之後ncaa final four...

球賽精彩, 但係唔夠我o既旅程精彩。探險...歷奇...刺激...驚險...雖然完全唔知前路係點, 但係我唔會返回頭路, 我享受過程, 享受身邊出現過o既每一件事, 每一個人, 我好鍾意! 身無分文, 一個人, 一樣都可以好開心。