100分好開心

2006年3月31日

今日第一件事要說的就是...出糧了~~~好開心。

二, 我今天到grundy center, 但係就去o左high school, 佢地o既rountine做得好好, 設備一流。不過, 我覺得始終都係elementary 個邊好好多, 無論老師態度定係能力, 始終rick 係度, d 老師會好唔同。之後返o左elementary, 有一個middle school 老師過o左o黎代堂, 嚇死我, 目無表情, 亂咁罰人, 不過咁, 我岩岩教小二時, 都同佢差唔多, 當然宜家比佢好好多啦。^^

三, 返o左去wrc 食午餐, 食完之後去o左comp lab 睇article, 但係我好累, 睇睇o下, 就訓著o左, 無錯係comp lab...之後去o左做運動, 今日雖然好累, 但係意志保返, 做得唔錯。

四, 我帶o左dr. chin 去wesley, 佢好開心, 好多人陪佢傾計。佢仲會星期日跟lily 去bible study。有d o野原來真係估唔倒o架...

五, 補充...今日semi 請食朱古力, ruby 同我都有份, 佢話要獎勵o下自己...^^

今日總結: 100分好開心

決定...

2006年3月29日

yoki 的支持與鼓勵讓我作出了決定, 這段日子上上落落, 人的心靈都不知飄到哪裏去了。如yoki 所說:「人生就是這樣。你付出了不代表一定得到相應的回報。不過你卻種下了果子...不要害怕，你的最好朋友就在你天上的那位父親，還有我呢!」人得一知 己, 乎復何求呢...

有時候望著春天初開的花, 望著樹幹黃葉的飄落, 人就會明白如何美麗的花, 都總有一天告謝, 但如何孤伶的黃葉, 總有付上自己生命, 替換初開春花的一天。

對生命的反思

斌仔夢想成真

希望就在沒有放棄的背後。
只要有人願意付出關心和支持, 人無論在任何情況下, 都可以昂然前行。

...節錄《為死而生? (記斌仔)》:「 我想，我們的社會是不會允許他選擇去死的。我們還得利用他來宣揚我們的「價值觀」，彰顯生命無價、人間有情，甚或令他成為「面對逆境，積極向上」的樣板，而無視其他千萬寂寂無名的人繼續受著歲月的折磨，一如斌仔「成名」前那樣。

斌仔說感到最難受的，是「求」。求人給他喂食，求人為他清潔，求人為他搔癢，求人為他做這做那……尊嚴都在日復日、年復年的「求」之中喪失殆盡。看到節目 裏斌仔的臉容時，我想，如果他一早得到這樣周到的照顧，他的牙齒應該也不會壞掉。有很大部分的痛苦，都是資源（錢）可以解決的問題。所以，對於很多人來 說，也就是無法解決的問題。」

兩年又多了, 再看同一封信, 心裏的感覺有點不同, 不過我心仍是存有那份同感...

斌仔的信:
「敬啟者：

你好，我知道閣下日常工作繁忙，但我很誠懇地希望你能夠用少少時間把這封信讀一遍，因為我是用嘴巴含著筷子，指 著電腦鍵盤好不容易才能寫信給你的。沒甚麼好奇怪，因為十二年多前的一次意外，除了我頭部可以稍為移動外，全身都是癱瘓的！我現在是住在××醫院，34歲 的我，餘生都是不能離開這張冰冷的病床。

1991年的6月的時候，我祈盼著9月1日的來臨，因為我已畢業於羅富國教育學院，又剛接到某學校的聘請通知， 將為人師，肩負培育下一代的使命，心情非常雀躍。怎料，於19日下午當我在預備畢業表演練習打空翻的時候，一個不小心跌倒，致令我終生殘廢！雖然當時急救 及時，救了我性命，但我的中樞神經折斷了，導致我頭部以下的身軀不能動彈，連自我呼吸也不能，醫生在我的喉部開了一個小孔，接駁一部重數十餘磅的呼吸器幫 助我呼吸，故此我說話不能發聲，只可用唇語和別人溝通。

每日活在孤獨、寂寞、無奈、痛苦當中. 每天24小時我都是臥在病床上，所有飲食、大小便、清潔、轉身、睡覺，全都是假手於人，做每一件事都需要別人的幫忙，我可說是不折不扣的廢人一個。全身癱 瘓的我，無論在經濟或精神上都是家人的負累，70多歲體弱多病的爸爸，帶著他肥胖的身軀長途跋涉來探望及照顧我，近來他的身體健康日漸衰退，我真的不忍再 看見年紀老邁的他為我奔波勞累。而且我賴以維持生命的呼吸器需要每年過萬元的保養費，這成為家人沉重的負擔。這樣負累家人的日子已經12年了，我的心從我 出事後甦醒的一刻就一直往下沉，既然現實如此，我又為何要自己繼續痛苦地苟存？又為何要帶給家人不必要的負擔？

時間對我來說已經毫無意義，每天望著時鐘的秒針移動，一秒一秒的過去，我在等甚麼？原來是等死亡一刻的來臨，沉 悶而冇意義的時間實在太多，我想終止這無了期的等待，可是我就連自殺的能力也沒有，每日都是活在孤獨、寂寞、無奈、痛苦當中，根本就是為生存而生存，這些 精神折磨，不足為外人道。其實我覺得生命不在乎長短，而應是活得有用有意義。而且我認為對一個人生命的最大尊重，並不是不理任何原因硬要維持生命，而是尊 重每個人自我的選擇。我曾向院方提出這種想法，要求醫生們為我尋找完成我這想法的途徑，但他們卻是拖延，遲遲的沒有理會我，我猜想是他們沒有辦法去扭轉多 數人根深蒂固的原則。故我尋求民政事務處律師的意見，他提議我可向董建華特首求助，我便去信特首辦，但他將我的信轉到衛生福利及食物局，等了兩星期多，只 收到衛生福利及食物局助理秘書長一封敷衍的答覆電郵。我知道有些都是奉行普通法的國家曾有像我類似個案成功提出訴訟，而且得到勝訴，可以在自己選擇的時間 有尊嚴地結束生命。因此我去信法律援助署，要求申請法援進行司法覆核，但署長以不是他們的工作範圍為理由拒絕了我的申請。

我明白這想法——「安樂死」所牽涉的問題廣泛，無論在道德、法律、人情等各方面都具爭議，但問題是存在的，而且 我相信有同樣想法的大有人在。親愛的議員，希望你能幫助我，在立法會上提出議案討論，將安樂死這概念加入香港法律條文內。據我所知，在美國、英國、荷蘭、 澳洲、比利時等先進地方已經有類似我這種個案的法例得到通過。為甚麼不能在知識水平已與這等國家並駕齊驅的香港存在呢？

我只想將自己的命運重新掌握在自己手裡，可以自行決定何時而又沒有任何肉體上痛苦的、有尊嚴地離開這個世界。祈望可以收到你的回覆。謝謝你的耐性。

祝

身體健康！

敬上」

好開心有一個好好o既advisor --- Dr. Mick G. Mack

2006年3月27日

今天早上工作了一天, 先wellness, 後equipment room, 之後趕緊食飯, 因為約o左dr. hensley 傾o野。我去到未到1 點, 但係佢人唔係度, 我就坐係走廊睇article, 足足睇o左半個鐘, 都唔見佢, dr. mack 問我做乜, 我就同佢講, 仲問o左佢一d 問題, 突然dr. hensley 出現, 就話流鼻血, 要整整個鼻, 於是我地o既meeting 又一次cancel。

跟住我就唸住約dr. mack, 點知佢話隨時都搵得佢, 咁我緊係問佢宜家得唔得啦, 佢一口應承o左, 我地傾o左個幾鐘, 好有收獲, 宜家成個framework 完全更新o左, 但係就好有趣, 而且好有價值, 我真係好鍾意呢一個老師, 每一次係我有需要搵人分享o既時候, 佢都好願意幫我, 人夾人。佢仲同我傾o左一d 城市人冷莫o既情形, 我地都討論o左一陣, 我地都好贊成係mid -coast 生活o既人係唔同d...簡單d。

好多o野玩o既兩日

2006年3月26日

呢兩日好多o野搞。昨天係 camp adventure dessertfest. o既大日子, 我夜晚跟隨香港同學會大軍去參觀呢個盛宴, 我一去到, 就嚇親我...我地班同學仔...(女仔)著得好靚, 好sexy...個個都好得...書商o既打扮更加令我唔敢望多兩眼...

談到個會演, 真係好精彩, 佢地不斷跳舞, 唱歌, 好多都只係用身體拍打o黎做出節奏, 我覺得好似睇堅haker o既表演(all blacks o既「戰舞」)。winnie 跳得好好, 好有活力, 唔似呢個年級, 其他同學會代表就失色d...係人堆後面, 我試圖幫佢地拍照, 但原來因為手震, d 相"wo 河"曬...

之後dr. e 叫我地去reception, 但係我約o左brana 去佢birthday party, so我走o左, 但係天o既安排, 我坐住 soyang 車去緊途中, 電話一響, 就話太多人cancel, 我地兩個望一望, 原來reception o既hotel--holiday inn就係我地側邊, 於是就又去食o野啦...

今日, 起身時好累...去o左bible study, 返o黎做worship, 之後去o左walmart, 再返o黎教廣東話, 之後又跳swing dance(brana 教), 好充實。

(今日, 我仲跟同學會人士玩機動遊戲, 好多水射你o架, 又有風吹, 你只要坐係架車裏面, 俾七蚊美金, 就可以玩...好過癮)

紅不起也要高興

鼎鼎大名 - Shine

在浮沉著有五六年　別人還未識得祖與占
但平時約企在路前路人還是伸手指與點
藝人名字都數一篇但無人認得出祖與占

＊大量青春經已付上　但願登天不過未上
有個宗旨卻一樣
＃仍然同樣樂天知命　旁人沒說久仰大名
還是笑著來回應
天空很大　不怕暫時做暗星
仍然忙著活出生命　維持熱血溶掉冰
或者以後我是大名以後我是大明星　要成名
純粹為高興

舊時留下偉大寓言任何人願努力可勝天
近年明白這非關鍵 路程其實開心緊要點
REPART ＊
仍然同樣樂天知命 一點輕鬆去遠征
珍惜過程　如不盡情太掃興
仍然忙著活出生命　維持熱血勤練兵
或者以後我是大名以後我是大明星　要成名
還要受尊敬

我以後燦爛嗎 我自己都不確定
若並未擠身於世界最頂　也要唱快透頂
REPART ＃

紅不起也要高興

運動再生

2006年3月25日

今天是病好了的第一天, 身體仍然未算完全回復過來, 但精神已比之前幾天好很多了。一早, 跟我至愛的yoki 傾了很久, 很開心呢...因為整個星期她實在太忙, 每次談不上幾分鐘就要斷線, 整個星期, 又病, 又沒有一個人可以讓我傾訴一些生活細事, 真的悶得很...惱得很, 但她今天跟我談了很久, 我們談了很多--她的球隊, 她的課堂, 我的想法等等, 太開心了。

中午時, 本想走出外面開始跑步, 一出房門口, 見倒ruth, 我跟她打了個招乎, 她說要不要一起吃飯。我想都不錯, 平日15餐都是自己一個吃, 今天有人陪, 都不錯, 於是我就跟她走到market union 吃了第一次的union 餐。

回到wesley 後, 我真的要開始跑步了, 換過衣服, 出發到cedar falls。我今天的目標是一共跑 1 小時, 於是先高速跑到cedar falls down town (15分), 然後在一間商店內休息, 再慢跑到wrc (27分), 想不到在wrc 見倒winnie, ruby 和semi, 他們都在做運動, 而且很集中, 於是我亦集中自己的伸展, 完成伸展後, 就再出發先跑到appartment office 再折返wesley (19分), 全程就有1小時啦...好o野...今天o既表現比我想像中好...感覺唔錯。

夜晚, 跟wesley 所有人一齊吃飯, 再打乒乓球, 打了很多很多場, 今天tony 進步了, 我打不過他。之後再跟Nathaniel 打, 想不到他亦打得很好, 我都輸了...不過很開心...下次跟他們再打, 我就一定會贏。^^...

第三個星期

2006年3月24日

零 晨時份, 不眠只因我不想眠...聽著電台節目, 一邊搜尋文章細閱。第二學期已經過了一半有多, 剩下的是最後的五星期。帶我到美國的二人明天就要完成她們的工作, 再過一段不遠的日子, 或許就要在機場上看著淚水的送行, 相機已不在, 剩下的是我的一對眼和一個腦子, 那是誰都拿不去的相機和相片, 拍下了的相片是刷不掉, 按鈕時一刻的感覺是長存不滅。

spring break 一星期的目標訂立, 熱血訓練, spring break 後一星期的長病日子, 但仍堅持。兩星期的感覺實實在在跟一個月前完全不同, 是獨立, 是自主, 是積極的。今天重新掌握了自己, 是一種滿足的感覺。今天再看長子的名份的故事, 既然生為雅各, 就應以雅各之名為榮。

明天是我的第三個星期, 頭沒有之前那樣痛了, 是時候, 慢步cedar falls...

「娛」論

2006年3月24日

一宗新聞, 十多天來不斷重覆報導, 從事實真相, 到事情推測, 到術數命理, 到驚天大計, 到今天總結回顧, 是否完結的時候? 身在異地更見關心家鄉軼事。警非警, 賊是賊, 已是已知的事實。聞者是如何的失容? 然而真正的驚嚇的是連日來「娛」論遍地, 是的, 是「娛」論, 用詞是趣味性, 故事情節緊湊, 每一分鐘都有新發現。每天都在一個被封閉了的隧道內, 由一班專業的資料收集人員, 把一個去逝了的人的一生一一導來, 絲毫不減, 只怕不夠, 還要自我假設種種。

一 個死去的人是沒有罪的, 因為罪已跟著他的死而去了。罪是人所生, 既然人已不在, 為何我們還在「娛」論? 只因「娛」字當頭, 人是在工作, 可惜心已不知死在何處, 只有在這些「娛」字當頭的事情上, 人人充當專家分析, 從左到右, 由下而上, 反覆思索, 才能顯出自己的存在。這一個「娛」, 當真感謝, 它帶給了全城人「知情權」, 傳媒為著大眾的著想而四出搜查, 甚麼多年前的中學同學, 那個節目上的某某主持, 甚至是曾在街上碰過面的老街坊, 亦成為了不可缺少的參與者。每一個人都想身在其中, 感受一個身邊人出賣自己的傷痛和憤怒, 把多方面的心理分析放在這個身邊人的頭上, 在他去逝後就加以強烈指控, 誰又曾在平凡的日子以撒馬利亞人的心去接觸過他?

「構思主要基於事件全城關注，市民有知情權，而剛巧該台亦有一段片。」全城多多的事唯有這一新聞, 人才有知情的權利。沒有消息的來源, 知情權亦只是一個空權。當日有人以耶穌的愛人故事在碼頭救了一名孕婦, 有多少人知道這一得來不易的知情權呢?

人 的知情權是珍貴, 人的尊嚴, 人的關係是更加重要。「我比一般人的喪夫之痛更加痛，因為無人同情我。」「娛」論高高的聲言, 魔者行為, 既是兩面, 誰又報導魔者背後的付出和貢獻? 難度這人一出生就是為了入魔? 為善一生只為了入魔的一天? 公平是甚麼? 在討被殺的公道時, 又可否給予殺人者一個公道? 給予所有人一個公道? 家人, 小朋友...

十多天的連續追趕, 走到這一刻是時候停了, 或許他的新聞價值高, 但這絕不是甚麼值得讓我們每天追趕的事, 人還有種種職責在身, 多留意身邊人, 伸伸手, 摸摸頭, 這一種全城的高燒很快就可以退下來。

好頭痛

2006年3月23日

原來spring break 完o左已經三日, 我真係唔多覺, 都係頭痛累事...

今日好早起o左身, 可能係訓得多, 可能係日出時間早o左, 但係我宜家認為係頭痛累事...

返到學校走云所有大seminar 房, 搵ruby 聽佢defense, 搵極都搵唔倒, 原來佢係o係main office 裏面一間房仔present...搵o左咁耐, 搞倒我又好頭痛...

佢present得幾好, 有文有路, 我聽完都清楚好多defense 時o既應有準備。

之後我上wellness, 今日我教muscle training, 六大要點, 兩個小心, (我作o既, 想知問我)...每一個section 我都會introduce d 新o野, 但每次之後, 口又乾, 頭又痛, 真係好...痛。

打後, 原本計劃做運動o既心情, 因為頭痛乜都無曬, 可能係做緊舉重, 不過係舉頭重, 因為個頭真係好重...

跟住, 我做o左一生人第一次monitor vo2max, 好過癮, 個participant 好勁, 女仔, 21歲, 白人, max heart rate test 到去202, 勁呀, vo2/kg 有57 , 但係其他data 仍然穩定, 面不改容, 佢真厲害, 如果搵命再做, 佢一定可以做得更高。

之後...又係頭痛累事...無心情...宜家就打o下字出o下氣...

忘命

2006年3月21日

今天醒來的時候, 實在不想起床, 頭還是重重的, 但燒像是退了。心裏想了很多各種各樣的藉口不去上學, 但為著星期四的presentation, 甚麼的藉口都不管用, 是事實我需要返去。

回到wrc, 跟阿paul, 侯老師上排球堂, 本來好好的身體, 經過由wesley 到wrc的七分鐘路程, 全身都在出汗, 我心知不妙, 好彩侯老師知道我的情況, 她替我打了今天所有的球, 我就可以安然在球場外走走看看。之後上stat, 上psycho時, 身子都不覺得有好轉, 有好幾十分鐘, 身體還感到有發燒的感覺。然而吃過飯後, 身體真的好了一點...上gender & sport時, 身心反而比之之前精神。

上完課後, 就跟我全日返學校唔休息的大目標--跟同學仔開會傾功課...想不到他們二人根本沒有準備甚麼, 全是空口說白話, 不到兩分鐘又說 see you tommorrow...激死...待我忘命一天的工作, 只為了那短短的兩分鐘...

p.s. semi 今天終於defense 了, 我問過好多有去o既professors, 佢地都話佢表現得好好, 希望佢自己都滿意, 星期五交埋份thesis, 就可以鬆一口氣。

三生有幸

鄭中基 - 三生有幸

曾害怕跌到谷底裡　會永不翻身
曾被當作笑話取笑　你卻很關心
當天很天真　只想找開心
這種小丑怎能變你愛人

無論我再錯多幾次　你也不灰心
斗膽的跟你比　怎比都不算相襯
一位很討歡心　一位康莊粗心
今天竟將奢想成為可能

三生有幸我似是初生　謝謝你永不放低這個人
一起相擁共同浮沉　比鈔票更見吸引
千般風光比不上你一吻

＊用我的一生　當小小一盞燈　令到你安枕
　貪玩的終會覺悟　無須找尋　新的人＊

用我的一生　天天坐你附近　令到你安心
天主很寵愛我吧　如此的人
竟得到你著緊　OH....

REPEAT＊

用我的一生　天天坐你附近　令到你安心
天主很寵愛我吧　明天清晨
牽手觀看日出　感一感恩　WOO...

勁訓

2006年3月20日

今日, 全日留o左係屋裏面, 我宜家先知自己咁訓得, 六點幾起身, 起初唸住返學, 點知食埋早餐之後, 人就開始傻o下傻o下, 原來又發燒。於是決定打電話返去話請假...之後o既時間就好似重覆o既動作, 訓覺...兩小時...起身精神d 就讀書, 讀o左半小時, 人又開始累, 又再訓兩小時。真係估唔到, 訓完讀書, 之後再訓呢個程序既然一直到宜家4點鐘, 即係訓o左三次...話...我唸我一陣又可以再訓...宜家喉嚨好痛...自己煮粥食...今日o既日子仲似放假過spring break。

spring break 後第一天

2006年3月20日

100.2 F...唔係好得...

一個平靜的心, 所謂玩有時, 忙有時, 靜亦有時, 是的, 就是要我們像馬利亞一樣選擇那上好的福分, 在平靜的日子中接受聖靈的指引和祝福。(路10:41-42)

我們又要盡心、盡性、盡力、盡意愛主, 又要愛鄰舍如同自己, 就如撒馬利亞人一樣, 看見那需要幫助的人, 就動了慈心, 想盡一切方法給予幫助。沒有想過誰是可「愛」, 誰是「不可愛」, 更沒有想過施恩的回報。若要計算別人如何如何的, 因而耿耿於懷, 那就去想想曾有誰為了自己默默付出, 如何的關懷, 如何的照顧, 心就可以充滿感恩。(路 10:29)

最後一日假

2006年3月19日

眼 紅紅, 又興又熱, 一早起身, 其實人唔多舒服, 想唔去bible study o架啦...但係最後都決定o左去, 收獲唔錯...之後去o左 ruth 屋企做worship...好累, 食午飯時, 人就真係睡著了...今日成日狀態都唔好...想做功課, 但係有頭重重...係時候又訓過...

武術...星期五

2006年3月17日

昨天實在太夜訓了, 一朝早起身, 人都比平日燥, 講o野有時真係唔多留心, 實在不要得。

今早到grundy center 進行我第一次的武術課, 對象是一班活力充沛的美國小孩子, 第一堂時, 可能人未熱身, 加埋夜訓, 發揮真係不大理想, 但係第二堂開始, 慢慢掌握倒個節奏, 同semi, ruby 合作得好好, 唸起上o黎, 呢次o既教學係我第一次同佢地兩個o既合作, 感覺好好, 呢d機會唔多, 真係要好好留念。我教o左一d 簡單o既武術熱身及伸展, 之後semi 教蒙古拳, 即係Mogonia chicken O既出產地, ruby 教太極, 學生學得好興奮, 但係又好集中, 我真係好想學多d 關於武術o既o野, 等人大o左之後都可以同其他人分享。

下晏返到wesley 食o左個飯又去訓過, 太累啦...之後我又做o左一生人第一次, 就係同錢錢web cam, 感覺呀? ok 啦, 講明o左之後咪offline lo...快快手手, 唸都唔洗唸。

之後夜晚到o左jason 家, 我同lucy , mavis 捉棋...你知道啦...捉棋係我其中一樣喜好, 我緊開心, 同佢地捉得好用惱, 其實即係話自己好耐無用惱啦...我地仲捉蘋果棋, 我細個時o既至愛, 第一局我輸得好慘, 第二局先捉返好d, 險勝。然後我地就出發去o左一間pub 食o左好多o野...傾o左好多 「姨媽」...「保險」...「防水」...「唔好」...同「停」等等o既o野, 其實仲有好多唔知咩東西o既傻笑話, 好似semi o既問題:「警務人員係警察定係賊」咁啦...太多茄呢o野...數唔盡...食完之後, 我地就去o左walmart, 行o左好耐...就係咁又一日啦...

休息...訓訓訓

2006年3月16日

殺 到o黎啦...i mean d 疲勞殺到o黎啦, 今日成日都肌肉痛, 本來都安排o左今日休息, 岩曬...(wrc 無暖氣, 我呢d 怕凍o既人, 一定唔會出現係o個度), 訓到九點幾, 一早睇o左一份journal (無精神睇o個隻), 之後step hen 打俾我, 同佢傾o左幾耐o下, 都成兩個鐘, 傻o左呀>><><><><, 不過都傾得幾有得著, 大家都互有收獲。

之後食過午飯, 人又開始眼訓啦...你唔洗唸啦, 我又去訓過, 做足一日豬。

起 身後開始take 一個online exercise 關於research ethical problem o既, 跟住去pack o下d notes...做少少reading, ready 下星期o既presentation。本來想開始做thesis o既literature review, 點知個人無曬之前o既頭緒...得返一個月, 唔知做唔做得切, 要交ch 1 到ch 3呢...睇返以前做o個份, 宜家一睇真係覺得好小兒科, 都唔知點拎A o既...

宜家煮住飯, 一邊睇聽九鐵風雲, 好正呀, 真係好睇過電視劇, 你話係香港就真係無你咁好氣理你, 但係o係美國就有呢d 時間了解了解啦。 "^^

星 期六我會去 demon(唔知點串), 仲之係一個地方啦, 去玩o下啦, 做乜都好。^^, 今個星期, 過得跟以前好唔同, 心態唔同, 生活方式唔同, 乜都唔同...明天到grundy center, 不過明天是semi, ruby 同我去教(我小腳色o姐), 可以睇睇mainly 香港教學style 對美國小朋友o既影響。

Best ~ 129分

2006年3月15日

今天一早起床, 第一樣做o既o野沖涼+刷牙, 之後就係傾電話。10點幾開始睇journal, 睇到一半, 十一點半左右就出發返wrc。

今 日去o左游水, 放鬆一o下之前練o既o野, 跟住去食我o既lunch box, 點知上面關o左門, 好彩見倒dr. lung, 佢幫我開o左下面execise physiology o既房, 我可以用入面o既microwave 丁飯食。跟住我就返o左自己office, 休息o下, 睇o下journal,同jackie 傾o下計, 之後又去舉weight, deep lift (6 set), 再到biomechanic room 做squat (6set)(宜家對腳真係比以前差太遠, 連自己重量都唔係好得, 於是只係舉自己o既2/3 就算)...

之後返o左wesley 睇報紙, 5點鐘就過o左侯老師處食飯, d 餸好正, 排骨好好味, 又有靘湯~~~

打 後就去o左打bowing, 我開始時都唔係打得好好, 慢慢熱o左身, 我今日打出自己o既best ~ 129分呀!!! ^^, 打後o既平均都超過一百, 好開心, 我地由七點幾打到十一點, 你唔好以為我今日o既節目完結啦, 我之後又去o左小董屋企食飽, 我見夜就無食, 但louis真係餓鬼, 又食o左好多o野~~~我就拎o左三個飽走人。 ^^ 今日d 節目好豐富, 而且玩得好開心。

星期二...

2006年3月14日

每日新聞: 15至24歲女性四成曾經痛 肥胖吸煙無運動最大元兇

今 天起床後, 看了一份journal, 聽聽森美的笑話, 之後便出外嘗試了我一生人的第一次--開車, angela 借了我她的車, 她坐在側旁, 我在wrc 的parking log 開了一個多小時, 不錯, 很好玩, 而且不難掌握。之後回到wesley (我開車返去的), 吃過午飯, 休息了一會兒, 便到wrc做運動。今天天氣很好, 原本想在街上跑步, 但因太大風了, 於是便躲在dome 內跑步: 跑了15個大圈(3000-3500m)(17分), 然後做了一些步姿練習, 飲了支汽水, 再走到上頂做fly (6set) + shoulder press (3set), 累死...本來唸住去泳池鬆一鬆, 但到籃球場時, 發現tony 在那裏, 於是又打起上來, 最終又是我以5:3 贏了, 本來想跟他打第二場, 點知一個急停, 隻左腳就想抽, 呢d o野一出現, 緊係停啦...跟住就真係去游水。

在泳池內(戲水池), 浮o下浮o下, 突然一個黑色小子問我:「do u want to play catch?」咁我緊係話sure啦, 玩o下玩o下, 佢個家姐都走埋o黎一齊玩, 我地又玩尋寶遊戲, 玩落好開心... ^.^

之後就去到union 見我d 同學仔, 我約o左佢地傾功課, 但係union 關o左門, 於是我就邀請佢地到wesley 傾啦...傾o左一個小時左右, 就散水lu...d 鬼傾o野好有效率, 但係就唔多見有心做, 無法啦...盡力!

食飯時, 一邊食, 一邊睇times, 一邊唸o左好多o野, 俾我唸倒一個正o野出o黎...我日後一定要完成佢...宜家唸住先, 日後搵多d 資料就落手做o下。 ^^

星期一...

2006年3月13日

有趣新聞 : 英癡肥漢發憤減154磅 機位擠傷腿 玩迪士尼被拒

今天起床後一邊睇書, 一邊同四哥傾o下計。食完飯後, 去o左圖書館, 搵o左幾份journal 俾自己做thesis 用, 但係gender & sport 方面就無乜收獲啦。跟住迎住d 風, 一直行返去wrc。今日做運動做得都幾瘋狂, 一轉sub maximal- 183, 六set背 + footwork, 再六set 30 秒200米。不過感覺都係一般, 可以再多d, 但無人push, 人就係懶d。

返o左wesley 後, 自己煮o左一餐好豐富o既晚餐, 好好味...如果日日都有時間咁整就好!

今日無隨想, 好實在地寫d 日記

2006年3月12日

昨晚跟yoki 傾o左兩小時先訓覺, 想唔倒佢提點了我很多事, 讓我這個迷了路的人醒悟過來。我知道我需要一個實實在在的目標, 我需要挑戰。習慣在競爭中生活的我, 在這個悠閒的美國生活, 慢慢失去了我從前的動力, 失去了我從前的拚勁, 只懂找不同的事物去依賴。不好不好。

今天一早起床換過了西裝, 準備到church 唱詩歌, 我跟著大隊出發, 走到半路才發現原來今次的目的地就在jason屋不夠一分鐘路程的church 裏。到站後, louis 都跟我決定在worship 完後到他們家拜訪一會。今次的詩歌唱得很好, 當然我地唔係d 咩專業詩歌班, 但係都唔錯, d 公公婆婆個個都o黎同我地傾計, 分享o左好多o野。之後, 我地就到o左 jason 屋, 當時得jason 出o黎, mavis 仲訓緊, 於是我地就參觀o左佢地o既新basement, 唔錯呀!

下晏, 我地返到wesley, 玩玩"咁棉toy", "潛烏龜"等等好耐無玩o既遊戲, 原來玩o下玩o下, 呢d 遊戲真係好好玩o架!!!

夜晚, 我跟侯老師, louis 去o左楊老師屋企食飯, 睇o左兩套戲, 分別係我好鍾意o既"功夫" 及 一套打得好血腥o既 "殺破狼"...一直玩到11點幾, 你話唔累就假o既, 但係就好好玩。 ^.^

kindergym 畢業後的第一個星期六

2006年3月11日

一個星期了, kindergym 畢業後的第一個星期六過得特別平靜, 起床, 讀經, 傾電話, 樣樣都很簡單。

今天跟在wesley 內的外國朋友交流了很久, 他們又邀請我到他們的church 參觀, 一間叫st. luke 的church, 有時間我都想見識多d。洗過衣服, 吃過午飯後, 在房中看了一些專欄, 其中有三篇文章特別使我感動:

經歷SARS恍如隔世 學懂珍惜願做住家男
-「我們個個都卑微，個個都是小。」
http://hk.news.yahoo.com/060311/12/1lyms.html

SARS牧師﹕3年後傷口未癒
-「我知道有時不是你想堅持便能堅持。」
http://hk.news.yahoo.com/060311/12/1lymr.html

身體學﹕誰擁有乳房﹖
-「我們一起那麼多年了吧，我會惦念你的。」
http://hk.news.yahoo.com/060311/12/1lypa.html

這三個故事讓我想了很多神的話語, 和一些人生細膩。原來個個都是小, 而且人人都有軟弱的地方, 不是說堅強就能堅強, 銘銘中天生一對, 卻想不到始終總有一天要分離。

付出過, 努力過, 分分離離, 聚聚合合, 原來是如此簡單, 一句:「道不同不相為謀」, 又使人再次分開, 事情真的是人所控制不了, 有時候甚至自己都不能控制自己, 想...做不了, 不想, 卻...做出來。「我所願意的善, 我反不做; 我所不願意的惡, 我倒去做」(羅馬書 7:19) 。哀哉...

下午, 終於再拾起心情出去跑步, 一跑就跑到了down town, 重臨舊地, 又是一個人的旅程, 但今次跟四個月前的時候已經有很大的不同, 沒有了他, 我再不可以把我的所見留下紀錄, 望到了美麗的景色, 亦只能獨個兒細味了。

又 是平淡的夜晚, 走到電視機前, 看到茶几上的一份歌詞, 於是便唱起上來, 「amaizing grace...was blind and now i see」, 拉拉筋, 今天又進步了, 心口已經可以touch 倒膝頭。我想以現在這種生活模式, 分腿前爬到地的日子離我不遠了。

剛剛, 高大行(半中國人)進了來, 原來他今晚要出門去iowa city, 之後再去california, 如此, spring break 會更平靜。

是好是壞? 我只知道是平靜的假期。

隨想...

2006年3 月11 日

「日後，別讓今天的淚白流。留低擊傷你的石頭，從錯誤裡吸收」, 很有意思呢...失敗的日子, 挫敗的感覺, 淚流過, 然而若明白過中的精神, 轉個想法, 那石頭或許是一個機會, 跌倒亦不用羞愧。

今 天跟師父一談, 了解多了欖球隊的情況, 真的想念你們, 那是一個家...是一個來自不同地方, 但有著一樣想法, 一樣目標的人的家。今天, 或許想法不同, 各走一端, 但大家都曾經在這個家付出了, 獻身過, 誰敢說自己比別人重要, 手指各有長短, 手與腳各有其用處。想起當年, 我還是當家之一的時候, 一個球員, 一個球場, 四個波, 一樣練習, 一樣奮鬥:

Perseverance, (不屈不撓)
Persistence, (堅持)
Performance, (實行)
Personalization, (I do cause I can do)

我認為pe 就是要有如此的態度!

兄弟姐妹們, 要加油呢...it's your time!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
又 聽了另一個故事, 一個小女孩, 6歲成單親, 幼時望著痛愛自己的媽媽一句不語的離開自己, 生成了對關係往往不知如何處理, 懼怕不知那一天關係會消失的擔憂。16歲的她比一般人都成熟, 但卻又比誰都沒有安全感, 跟老師訴出心中所懼, 是信任的付出, 是她希望獲得回應的付出, 因她生怕失去關係, 因此她每一次的付出都是一個挑戰, 是一個歷險, 誰知那一天又再失去?

母 親永遠都會愛自己的子女, 因為子女本是自己, 誰又不愛自己? 只是愛得不能受得到的痛, 因痛而放棄愛的動力。作兒女的, 誰又不愛父母? 本是自己, 只是痛得不能愛, 不敢愛, 生怕失去, 所以不愛...因為怕, 而不愛。兩者分離天涯, 誰都不主動, 海角怎會拉近? 一時你願意做, 他卻未準備, 一時他願意做, 你卻未準備, 誰知那時是right place, right time? 雙手隨時打開的祂, 你一願意, 他就會抱緊你。我願意做, 願意做主動的一個, 你的手又是否張開? 你又有否願意主動的做, 讓祂用雙手緊抱你呢?

隨想

2006年3月10日

今 天趟在床上, 望著天花板, 聽著歌曲一首一首的播著「日出日落, 規律必須經過」, 趟著趟著是十數分鐘的時間, 望著一色一樣的天花板, 聽著歌曲不斷不斷的重播著。想想跟著的日子, 想想將要面對的改變, 時時刻刻, 分分秒秒, 突然覺得心很平靜, 在心內的不是一種寂寞的感覺, 是一種難以形容的安寧, 聽著「告訴世界, 幻變常在」, 分分秒秒都在改變, 心中沒有甚麼目標, 沒有理想, 沒有, 就是一切都沒有, 就算是喜怒哀樂的一切感覺, 一一都沒有。

平靜的心讓我想起了不同時候認識的朋友, 不論是識於兒時的, 或是在球場上拚鬥的, 又或是在屋內互相玩弄的, 天天在異地遊玩的, 都一一在腦海裏浮現出來。

是出於想念, 還是甚麼的原因, 很想很想各位, 我想念每一個在我生命中出現過的人。我想那是一個夢, 那是一個童夢。「blessing our children」!

p.s. 他就是火火(yoki家姐的兒子)

Priority

甚麼是priority? 忙有完的一日嗎? 靜下來留意四周, 或許可以發現更多。 (心理學話:確立目標要高而適中, 而且要讓身邊人知道, 方可讓目標更易達到: spring break 目標: 完成羅馬書)

spring 開始, 先逃一刦

2006年3月9日

今天終於上完堂, 亦即是說spring 已經開始。今天收倒了早幾天, 侯老師跟我映o既相, 於是試o下放上o黎俾大家睇睇。好耐無映相啦...好掛住佢...我好想搵返佢, 但係都係唔太實際, 儲好錢錢, 搵個新o架吧啦...

中午, 自己一個人去o左做gym, 今日感覺好好, 找到新o既方法去做, 之前o既方法做到悶o左, 身體都adapt 曬, 無乜進步, 今日o既做法唔錯, 可以繼續。

下 午, 上gender & sport, 一直都唔多鍾意上o既, 但係近幾堂開始喜歡了, 可能因為學倒o野啦。但係今日上堂時有件事發生o左, 差d嚇死我...我地聽聽o下堂, 睇住power point, 突然「拍」一聲, 個screen 黑曬, 有d煙出現, 我再往上一看, 原來個projector 就係正正我頭頂, 好彩無跌落o黎, 逃過一刦...

又繼續寫下去...獅子的故事讓我加添了很多童真, 「never trust your eyes」, 看不到, 不等於無, 感受...勝於千言萬語...獅子的去與重臨, 是redeem 及 justify。在獅子前坦然承認過錯, 才可把心鎖打開; 在別人面前寬恕, 才可得到接受。感謝...這是一套好戲, 是right place, right time的好戲。

想開心-->變好開心 ^.^

2006年3月8日

很 想說今天是開心的日子... gender & sport o既功課做曬, 去conference 的錢一蚊都唔洗俾, ebill 四百幾唔洗交, 四科考試都可以俾我係四月最後一個星期考, research method 考到個b+, 樣樣事都好似好好咁... ^.^

23:08 , 宜家我真係好想話好開心, 明天仲可以去 market u 睇獅子呀~~~^.^
我真係好鍾意睇獅子呀!!!

我真係好開心呀!!!

再加: soyang 係 research method o既test 考第一呀, cool~~~
　　　soyang 邀請我一齊去旅行, 不過唔去得, 因為有一兩個節目係正中間...

很疲累, 要發洩o下

2006年3月7日

很疲累...身子其實還有用不完的體力, 只是精神卻每況愈下, 一天比一天差。時間未到5點, 人已經想長眠, 但係太早訓, 起o左身又唔知搞乜好, 都係頂住先...一路做一路做...

呢 幾日, 人實在太累, 溫書, 做功課耐o左, 就想四圍走, 去下做運動, 但個人太無精神, 於是呢幾日都係好集中做伸展, 伸o下伸o下, 開始有返以前o既水準, 都幾開心。有時候就走去泳池睇睇semi, winnie 游水, 望望佢地咩情況; 有時候就走到電腦室睇o下見唔見ruby, 搵o下佢講兩句。不過呢d 都好似止痛藥咁, 止一陣累, 止一陣悶, 之後又再做返每日一樣o既工作。

好 想做d 同平日唔一樣o既o野, 所以我好鍾意grundy center, 每次去都會有新o野玩, 等自己可以刺激o下, 雖然係好累o既事, 但係就好樂意參與。星期四有套獅子戲睇, 其實好耐之前已經好想睇, 只係當時無去睇, 宜家uni 有得睇, 真係好想睇。日日做住同一樣o既事, 見o既人又少, 講o既說話又唔多, 又唔深入, 真係好悶。日日打返香港都唔係辦法, 根本無真正投入呢度個世界, 表面接觸了, 卻沒有深入地注入自己的生命在此。

原來唸o下唸o下, 當時係pls 教時, 日子仲好過, 當時的時間真的比現在好, 雖然那時候很忙, 很挫敗, 但總好過宜家o既悶。

然 而, 有時候, 收倒ruby 俾o既湯, branna, soyant 俾o既cookie, 同trent o既飯局, 同高太行睇ncaa game, 日子又變得好特別。人就係咁...時時變, 岩岩唸緊點悶, 宜家又俾我唸倒有咩特意o野, 又好似早日jason 無啦啦話食雪糕, 順路送餅vcr 俾我咁...其實我都想食cold stone, 但係呢個月真係唔可能, 起碼都要到4月出糧先會有d 方便。

interpretation 係好特別o既o野...人睇你點睇, 你睇人睇你。 ^.^ 發洩完畢...

一整天

2006年3月5日

教育的樂趣在於看到學生的快樂。
學生的快樂基於學習, 基於成功經驗, 基於鼓勵, 基於挑選, 基於老師與學生之間的關係。
在人生命途中的快樂亦是如此, 基於學習, 基於成功經驗, 基於鼓勵, 基於挑選, 基於「老師」與「學生」之間的關係, 基於「父」與「子」的關係。

今天花了一整天在不同的church 走動, 上了一課需要深思的bible study, 跑回去wesley 實踐敬拜神的心。下午一整天在做功課, 五點鐘笑談廣東話, 六點又食飯, 然後又再努力於功課之中, 沒完沒了。甚至一年一度的oscar 都無睇...

忙了一整天, 明天又是新的一個星期, 會是如何呢?
只好明天再想想看看。

星期六 - kindergym graduation

2006年3月4日

kindergym graduation呀!!! 今日最後一日, 好多小朋友都o黎o左, 我同佢地玩得好開心, rara 媽媽仲同我講:「rara told me Gary in kindergym is my friend」, 好sweet 呀~~~
不過始終都要到最後一日了, 下個星期六唔知係點呢...

還有一星期就到spring break 了, 這將會是我第一個在美國不會四圍去的假期, 原因如下:
1. 大隻, semi 忙到七彩, (dr. hensley 話佢無講過佢地唔可以去玩, 只係做好thesis 係好重要)
2. wesley 去chicago 價錢太貴, 留d 錢sem 尾先用
3. 有功課要做

宜家努力緊做gender & sport o既home exam, 10條完成o左3條, 質素可以接受, 明天做多3條, 星期一2條, 之後一日一條就岩岩好, 星期四交得。

我昨晚走去跳健身操, 都幾好玩, 不過乜d 動作過份feminine, 我就唔做, but...大睇上係有流汗feel。

呢兩日, 日日拉筋, 宜家鼻哥貼膝頭都做得返...我要分腿前爬同一字馬...唸o下先...

今日突然想留係美國繼續讀上去...唔知好唔好呢...可唔可以放得低?

三月的第二天

2006年3月2日

走到三月天, 風雪已不見。到步已半年, 風景勝從前。

今天又考完一個試了, 有上一次的經驗, 今天的表現比上一次的更加好, 但始終要等派卷的一天才會知道成績如何。然而, 今天過後又要準備另一個home exam, 難度不少的, 要好好努力。

今天晚上, 我跟trent, chris (trent 女友), 及soyang 去食飯, 可能大家始終唔係同一個culture, 溝通時始終有d 困難, 但傾得耐o左, 大家都增加了彼此間的認識。希望有下一次機會可以跟佢地再食飯, 因為我對佢地o既印象係唔錯o架。

以賽亞書

40:30 就是少年人也要疲乏困倦、強壯的也必全然跌倒．
40:31 但那等候耶和華的、必從新得力、他們必如鷹展翅上騰、他們奔跑卻不困倦、行走卻不疲乏。

羅馬書

[7:15]因為我所作的、我自己不明白．我所願意的、我並不作．我所恨惡的、我倒去作。

[7:16]若我所作的、是我所不願意的、我就應承律法是善的。

[7:17]既是這樣、就不是我作的、乃是住在我裡頭的罪作的。

[7:18]我也知道、在我裡頭、就是我肉體之中、沒有良善．因為立志為善由得我、只是行出來由不得我。

[7:19]故此、我所願意的善、我反不作．我所不願意的惡、我倒去作。

[7:20]若我去作所不願意作的、就不是我作的、乃是住在我裡頭的罪作的。