龍舟節

2006年5月31日

今日龍舟節, 係屋企食過龍舟"種", 睇o左一個無線節目「香港特工」, 見倒winnie, 一望d 髮色就知道係近期出品。

下晏, 同yoki 去o左一次小旅行, 走o左上去深圳, 食o下o野, 行o下街。乜o野plan 都無, 去到問人有咩好玩, 就去邊度。岩岩到時, 都幾過癮, 但係行得耐, 賣o既o野都差唔多, 後尾都無乜特別啦。不過o個度有好多小食, 我同yoki 一齊分享o既一個深圳 M 記, 又食o左一條深圳油條 + 豆漿, 仲有蔗汁, 食o既o野真係唔錯。遲d 就上廣州, 然後就進行我地無目的o既長江之旅...可能係黃山之旅...究竟去邊個地方好呢...兩個都會係一個得意o既地方, 因為...有隻烏雞。

又訓唔著

2006年5月31日

又訓唔著...今日o係st. joe o既活動真係好好玩, 玩足一日, 都唔覺辛苦, 咁又可以賺d 零用錢, 真真開心。工作於娛樂, 有乜工作好過同小朋友一齊?

五月最後一日...時間是短暫, 當我知道每一天在家的時間都是有限的時候, 就會好好珍惜。邊個都唔可以話我知, 我仲有幾多日子係呢個家中同屋企人一齊生活, 每一日都係最後o既一天, 亦係第一日。比起以前, 無論是同家人, 定係同朋友, 都比以前玩得開心。好似早幾日師父, 科云, 阿几到我家中作客, 大家有傾有講, 真係尚心樂事。呢幾個星期, 錢又搵倒, friend(s)又搵倒, 屋企感覺又搵倒, 真的要提提自己...多多珍惜。

訓唔著...

2006年5月30日

今晚睡不著, 跟親戚朋友o係newway 唱好k, 可能真係玩得太開心, 宜家3點都訓唔倒。今日見返嘉敏, 我覺得佢同以前唔同o左好多, 人有自信o左, 講o野比以前得體o左好多, 可能真係經歷過, 人就真係唔同曬。

早兩日, 同yoki 傾o左一次好深入o既計, 雖然過程中又再入一次睇住佢流淚, 但係學你咁講, 之後我同你一樣都係好開心, 好舒服。太多太多自己俾自己o既壓力, 我相信經過今次o既傾計, 我地o既感情又進一步, 真係少數o既第五級變種人呀!!!

o黎跟o既下午就會係我最後一日係st. joe o既代課啦, 斷斷續續都代o左八日, 真係唔捨得, d 小朋友好可愛, 周老師前, 周老師後, 又聽話, (應該話由唔聽話到聽話)。明天一個大型show, 我最後o既一個環節, 只要班小朋友做得好好睇睇, 我就可以功德完滿啦。^^

跟住o既一個月, 將會係我o既一個挑戰...普通話, 一定要努力d, 學多d!!!

你地全都成長了

2006年5月25日

昨天星期三回到ied, 睇睇班師弟妹宜家咩情況。返到去, 個個疑神疑鬼咁問究竟呢個係乜水, 好搞笑, 識我o既, 固然走o黎同我傾兩句, 識o下又唔識o下, 反而就好似好叻咁同人講我係邊個, 見倒呢個情況真係覺得好搞笑。睇住佢地宜家咁成功, 我真係好開心, 呢班兄弟姐妹大部分都係一年班, 好想佢地可以繼承我地以前o既衣缽。

七年啦! 唔係一件容易事, 呢一條根係好多人辛辛苦苦種出o黎, 雖然走o左兩年, 但係仍然好喜歡返去睇o下佢地, 教o下佢地, 同佢地玩返兩板, 之後飲飲食食當然亦係少不了o既。

今 年又十幾人畢業, 個個都話請我食飯, 都係聽住先! 但係當然好開心, 知道呢班細路妹個個出人頭地,即係話 又會有十幾個好老師出世啦。球隊已經唔需要我地呢d 過氣o既再多言一句, 宜家已經有一班新領袖, 係新時代, 係new way ! 當然日後如果有機會, 都想唸唸返去做佢地教練, 始終...如同師父一樣好想將自己o既一切傳授俾呢班師弟師妹。

神o既能力真係勁到無輪!!!

2006年5月22日

犀飛厲呀!!! 神o既能力真係勁到無輪!!! 昨天先返祟拜, 今天同一個朋友食tea, 竟然無啦啦傾到信仰 ,又無啦啦多口問句佢有無興趣參加, 唸住青衣咁鬼遠, 人地住沙田, 實無望啦, 點知佢一句話, 我就係唸住搬去青衣!!! 勁呀!!!你都咪話唔神奇!!!明明佢係serve 我o個個, 宜家竟然變o左我係serve 佢o個個, 好搞笑呀!!! 但係我地都好開心, 如果下星期日佢真係同我一齊參加祟拜, 我真係要感謝神啦...我岩岩昨日先俾人介紹, 下星期就可以介紹人, 勁呀!!!完全無安排過, 完全無計劃過, 神就已經安排了我o既工作!!! 神呀! 你係得o架!!!

^^ 星期日!!!

2006年5月21日

今日係星期日, 當然係每一個一次o既聚會啦。今日係我第一次去yoki o既教會, 裏面有好多人, 成個禮堂都係人, 雖然形式上跟priaire lakes 或者wesley都好唔同, 但係今日我都好開心。珍珍、達哥仔同火火係育嬰房度, 我地完o左祟拜之後都有探佢地。除此之外, yoki 小組o既人好友善, 我地一齊飲茶, 傾計, 今日o既教會生活都過得唔錯, 好開心 yoki 終於邀請我一齊去。今日係我同yoki 三年以來第一次一齊返教會, 所以我好開心。

之後, 我同yoki 四周圍行街, 葵芳...又一城, 睇o左好多靚衫, 但係就無買到, 但係都試過幾件, 遲d 再去其他地方睇o下。

火火好可愛

2006年5月20日

今日一早幫朱師兄睇o下佢份final project, 佢係我屋企度, 我同一齊分析佢手上o既data, 感覺好得意, 因為學有所用, 而且大家幾年都無見過面, 傾過計, 估唔倒, 因為我出門學少少o野就可以有個咁o既機會俾大家傾o下計。^^

下晏, 去o左青衣同yoki 屋企人飲下午茶, 火火都有去呀! 佢緊係我地之中o既名星啦! 佢真係好可愛呀!

唔捨得, 都有最後一日

係聖約瑟教o左四日, 日子好短, 但係就好開心, 同小朋友o既距離拉得好近, 出出入入都有好多小朋友同自己玩, 我覺得自己都好似佢地咁...小朋友。小息同佢地搓包剪揼, 上堂同佢地講笑話, 落堂佢地又會請我食糖, 作為一個代課老師, 感覺真係好好。

每 一朝早, 全校都會一齊祈禱, 有時係主禱文, 有時係為聖母, 有時係為老師同學仔祈禱, 我見倒小朋友係呢一種主包融著o既環境下, 我都同大家每朝一齊祈禱。同呢一班小朋友玩o左只係短短o既四日, 但係我已經好喜歡佢地, 其實好唔捨得, 雖然有機會俾我留多幾日, 但我知道始終有一日, 我要離開, 所以我都係選擇返我應該做o既事, 應該走o既路。d 老師都叫我多d 返去, 但係邊個知道明天會點呀...學我一個朋友話斎, 把一切都交托給神就會有最好的事發生。

實用的學習

2006年5月18日

今日已經係我o係聖約瑟小學代課o既第三日, 我係呢度試o左好多係美國學倒o既o野, 真係好得。雖然只係教o左三日, 但係d 小朋友已經同我玩得好熟, 而且好聽我話, 我覺得呢次美國學倒o既o野真係好實用。雖然我讀o既係運動心理, 但就正正係因為心理學o既幫助, 用o左一d 好簡單o既要訣, d 小朋友已經好受。雖然d 老師想搵我繼續代落去, 但係我唔想自己太忙, 所以明天就已經係最後一日, 要好好珍惜, 試多d, 盡力做到最好。

唔洗搵工, 都可開工,

2006年5月16日

返o左香港一星期, 感覺好舒服, 日日陪屋企人, 感覺真好。

呢個星期真係好好, 自己一直好想搵返d 錢, 但係其實自己就無乜真正去搵過, 但係就已經有兩份好好o既工俾我做。之前星期日有人搵我做茄喱啡, 點知去到原來係主角, 因為成套戲得我一個演員, 係山頂上面, 對住班德國o既攝影師, 係眾目睽睽之下做戲, 好搞笑; 今日又有friend 叫我去代課, 一代就有四日, 計計o下, 就係呢個星期都可以有三千, 真係好好。

好耐無入課室教書, 開頭一兩分鐘真係唔習慣, 但係講o左幾句就唔同曬, 好好feel。明天繼續努力。

回家有家人真好

2006年5月10日

回家了, 一落機已決定衝上去擁抱我的家人, 我的至愛。每人來了一個美式擁抱, 誰說中國人要保守, 這一擁抱我等了很久了。二十幾年無試過, 今次是第一次呀!!!

我地一落機就去o左食糖水, 傾o左陣計, 之後我送yoki 返屋企, 雖然好累, 但好耐無見, 見耐d 會好d。返到屋企, 媽媽又好似以前咁等我返屋企, 唔訓覺, 我知道佢等o左我好耐, 唔係一天, 唔係一年, 係一世。我好想帶我媽媽去尋找主, 好想帶我爸爸一齊走呢條路。

今天, 我一早就起o左身, 同兩老飲早茶, 之後同佢地去行街, 下晏同老豆去旺角睇花羅漢, 四周搵人傾計, 之後又去o左荃灣, 我買o左對跑鞋, 夜晚yoki join o左我呢兩父子一齊食飯, 好輕鬆的一天。明天就到媽媽了。

看著兩個傻瓜的成長

2006年5月10日

回家去了, 坐了很長很長的飛機, 由cedar rapids 到 mpls 再到tokyo, 一站到一站, 終於安全抵步。我看著兩個不同的人, 在一個漫長的旅程中不斷成長, 不斷改變, 然後又再變成不變, 回到從前。從前, 一個每事言聽計從, 事事傻頭傻腦, 一個積極進取, 凡事照顧周到; 今天一個柔中帶剛, 一個剛中帶柔, 一凹一凸, 互相配合, 由如太極一樣, 南轅北轍, 卻互相協調。是的, 就是如此的一種關係, 才會有如此的友誼。

祝願這對大眼妹感情永固!

回家去

2006年5月7日

明天便要起行回家去了。今天返完bible study時, 有一名教友叫sue, 佢突然用個頭撞我個頭, 我不知所措, 原來她為我祈禱, 我很開心, 但真的很突然。

之後返prairie lakes, 今天只有我與winnie, 但係做的事情沒有兩樣, 都是敬拜神, 所以並沒有分別, 分別的是semi 病倒了。

winnie 邀請我跟他們一起到waterloo 購物, 我很開心, 跟他們到famous dave 食午飯, 病倒了的semi 竟說:「食乜都唔舒服o架啦」, 於是她都跟我們一起, 大食特食。

夜晚, 唔知邊個提意食朱古力火鍋, 於是佢地就大購物, 夜晚準備各式各樣的水果, 大家食得好開心, 但係病倒了的semi 再次帶給大家擔心了...十點尾, jason 送我回wesley 去, 我跟他說了聲道別, 因為暑假完結前, 大家都沒有機會再見面了。

好快就一年, r & s 又畢業, 時間就是如此流逝, 回到香港要陪多d yoki 同屋企人。呢一年識o左好多新朋友, 特別係香港同學會的朋友, 會長一家人是很好的人, 希望可以跟他們多些接觸。

回家去了...香港~香港, 我回來了。

玩得開心嗎? 開心!!!

2006年5月6日

今天ruby 及 semi 終於畢業了。從前還是在看著她們一步一步的向著終點進發, 今天她們竟已真真正正的走到台上了。life goes on, 今天完了, 又是明天的開始, 我為她們很高興。

完了畢業典禮後, 我去了jason 家跟她們一起bbq, winnie 果然是搞遊戲出身, 一時玩水彈, 一時玩泡泡, 讓大家都玩我很開心, 特別是ruby, 她原來是玩得很瘋狂的...她太恐怖了。

夜晚, 期待已久的嘉賓出現了, dr.hensley 跑了出來, 幸好mavis 有方法找到他, 他的出現讓我們這個party 更加熱鬧。之後就是出久沒有參與的movie night, 今次的movie 有很多人參加, 而且看的是我有參與的影片, 雖然沒有奧斯卡的提名, 但我看到朋友仔們看得入神, 由心笑出的聲音, 我心裏充滿了喜悅, 特別是今天的兩個主角--ruby 和 semi ~~~ ^.^

今天是我這個半年以來玩得最最最最最最開心...most most most happy 的日子。我真的真的真的很開心認識了這一家人呢。

rocky

2006年5月6日

今早起身繼續忙著工作, 在休息的時候走出廳看電視, 看了一套又一套的rocky, 當中第一集時, rocky 問了他的對手一個問題:「Did you do your best for me?」聽了後想了一些事, 想問倒天是否已給了我最好的? 甚麼是最好的? 神會把最好的給我們, 那甚麼是最好? 想了一會, 又問自己, Did I do my best for you? 我又有沒有把自己最好的交給了別人? 然後, 又是同一個問題...甚麼是最好呢?

最好, 最好...常常問...仍然都是不知道...付出了最大努力, 是不是最好, 就算不是, 應該都可以問心無愧吧...

甚麼是更好的?

2006年5月3日

三年以後的生活要在短短的日子決定真的很艱難, 考慮的事實在太多太多, 機會是難能可貴, 但是否值得一做呢...神會安排更好的...這是更好的? 還是將來還有更好的...呢?

三年時間控制不了並不出奇, 因為我甚至連三天的時間亦控制不了, 見步行步。希望可以在短暫的人生路上留下一點回憶, 讓十年八載後回味當日畫面。

星期三

2006年5月3日

今 天終於考完了stat, 功課亦交了, 最後只剩下明天的psycho, 之後就可以全力做自己想做的事。大家都在這兩個星期很忙碌, 有些時候, 心情都會變得煩躁, 但無論工作如何的忙, 生活還是一樣要過。享受生命的靈, 享受工作的動, 一切都是享受, 心情就可以平靜得多了。

垃圾...停止工作

2006年5月1日

經過多日努力, 垃圾已經堆好, 30 張紙就成o左形, 雖然明知內裏好多o野做得唔好, 但係睇住呢份o野, 呢個題目太耐, 我唔想再理佢住, 放低一o下, 做做一d 我有興趣多d o既o野。

今日借o左sayang o既cd o黎聽, 係一d 好relax o既音樂, 我宜家好努力咁收集緊音樂, 好想搵一d 好舒服, 又有意思o既正正音樂。雖然soyang 借俾我o個d 好有feel, 但係好鬼秘, 無法yoga style...